Bagyo sa Pacific Ocean, posible ring pumasok sa Phil area of responsibility

Habang abala ang mga Pinoy sa paghahanda sa pag-landfall ng bagyong si Pepeng, isa na namang malakas na bagyo ang papalapit sa Philippine area of responsibility.

Sa ulat na inilabas ng Japan Meteorological Agency, sinasabing may international name na Melor ang nabanggit na sama ng panahon.

Natukoy ang sentro nito sa layong 780 km east north east of Guam o 690 km east south east of Saipan.

Taglay ng bagyong Melor ang lakas ng hangin na 195 kph malapit sa gitna, habang may pagbugso naman na 240 kph.

Pero agad namang nilinaw ng Pagasa, na malabo ang posibilidad na mag-landfall ito sa bansa kahit pumasok sa Philippine area of responsibility (PAR).