P100-K, multa sa maling pagkanta ng national anthem – Kamara

Pasado na sa huling pagbasa sa Kamara ang panukalang batas na nagpapataw ng parusa laban sa hindi tamang pag-awit ng “Lupang Hinirang.”

Naging unanimous ang suporta ng mga kongresista para maipasa sa third and final reading ang House Bill 465.

Sa ilalim ng House-approved measure, papatawan ng P100,000 na multa at dalawang taong pagkakakulong ang sinumang performer na lilihis sa official musical arrangement ng national anthem.

Maaalala na ilang pagkakataon na rin na umani ng pagpuna ang mga Filipino popular singers gaya nina Arnel Pineda at Martin Nievera dahil sa hindi tamang rendition sa ating pambansang awit.