Coed naglabas ng Powerpoint na may temang ‘Why You Should Date Me’

Agaw pansin sa internet ang babaeng estudyante mula sa University of Minnesota sa Estados Unidos.

Dahil kasi sa hindi raw siya pinapansin ng “crush” niyang lalaki, siya na mismo ang nagpadala ng isang slideshow na may tema ukol sa rason kung bakit dapat siyang i-date (“Why You Should Date Me”) ng lalaking si Carter Blochwitz.

Nakilala ang dalaga na si Lizzy Fenton, isang biology student.

Sa kaniyang Powerpoint presentation, inisa-isa ni Fenton ang qualities na maipagmamalaki niya.

Lola at apo, sabay na nagtapos sa junior high school

KORONADAL CITY – Pinatunayan ng isang senior citizen na walang pinipiling edad ang edukasyon matapos na makapagtapos sa high school.

Kinilala ito kay Lourdes Ignacio, 79-anyos, biyuda na residente ng Barangay Bukay Pait sa bayan ng Tantangan, South Cotabato na kabilang sa mga estudyante ng Bukay Pait National High School na nagtapos ng Junior High School.

Sinabi ni Ignacio na dati ring kagawad at barangay chairman ng Bukay Pait, naging inspirasyon nito para mag-aral muli ang pitong professionals na anak.

Sa katunayan, nag-aral siyang muli nang italaga noong principal sa nabanggit na paaralan ang isa niyang anak.

US, nagpa-ulan ng Tomahawk cruise missile sa Syria

WASHINGTON – Umaabot sa 50 Tomahawk cruise missiles ang pinasabog ng Estados Unidos sa Syrian air base.

Tugon ito ng Amerika sa suspected chemical weapons attack sa isang bayan na may malaking presensya ng mga rebelde, kung saan maraming inosente ang sinasabing nadamay.

Regular namang nagbibigay ng update si Defense Secretary James Mattis kay US President Donald Trump, kahit ito ay may mga nakahanay na pulong, kasama na ang pakikipag-usap kay Chinese President Xi Jin Ping.

Batangas, state of calamity dahil sa lindol

Nagdeklara na ng state of calamity ang provincial government ng Batangas, kasunod ng 5.5 magnitude na lindol kagabi.

Nabatid na nag-iwan ito ng ilang pinsala sa mga istraktura, kabilang na ang lumang simbahan sa bayan ng Tingloy.

Sa inisyal na pagtaya, aabot sa P18 million ang halaga ng recorded damages.

Ayon kay Batangas Gov. Hermilando Mandanas, layunin ng pagdedeklara nila ng state of calamity na magamit ang pondo para matugunan ang pangangailangan ng kanilang mga kababayan.

Una rito, hindi na rin muna pinapasok ang mga mag-aaral sa buong probinsya dahil sa mga nararanasang aftershocks.

Walang ‘summer’ sa Pinas?

Pormal nang nag-umpisa ang dry season sa Pilipinas.

Ito ang inanunsyo ni Pagasa weather forecaster Benison Estareja, kasunod ng paghupa ng hanging amihan na naghatid ng malamig na hangin sa mga nakalipas na buwan.

Pero nagkaroon ng delay sa pagpasok ng tag-init sa ating bansa dahil na rin sa pag-iral ng North Pacific high pressure area.

Ito umano ang nagpabago ng pressure system at nagpaiba sa wind pattern na nagbunsod para maantala ang pormal na pagpasok ng dry season.

Nilinaw din ni Estareja na walang summer season sa Pilipinas, kundi “wet and dry seasons” lamang.

Ang summer aniya ay para sa mga bansang may apat na klasipikasyon ng kanilang panahon, kung saan kabilang na rito ang spring, summer, winter at fall.