Tsunami alert, ‘di dinadaan sa text – Phivolcs

Binigyangdiin ni Phivolcs Dir. Renato Solidum na wala silang inilalabas na tsunami alertsa mga nakalipas na araw, kaya malaking kalokohan ang kumakalat sa text na magkakaroon ng tsunami sa alinmang lugar sa ating bansa.

PPUR, opisyal nang pasok sa New 7 Wonders of Nature

Abala na ngayon sa ginagawang paghahanda ng Puerto Princesa City government at Department of Tourism (DoT) kaugnay sa gagawing selebrasyon sa Lunes kaugnay sa pagkapanalo ng Puerto Princesa Underground River (PPUR).

Ang nasabing 17-kilometer underground river sa Palawan ay pasok sa New 7 Wonders of Nature at pormal na inianunsyo ngayong hapon sa Heritage Hotel sa Pasay City.

Balik-tanaw sa Maguindanao massacre

Nobyembre 23, 2009, nangyari ang malagim na krimen sa bulubunduking bahagi ng Sitio Masalay, Brgy. Salman sa bayan ng Ampatuan lalawigan ng Maguindanao.

Nangyari ang hindi kapani-paniwala at hindi inaasahang krimen sa loob lamang ng isang araw at ng dahil lamang sa pulitika at pinag-aagawang kapangyarihan sa lalawigan.

Bagama’t eksakto dalawang taon na ngayong araw ang nangyaring Maguindanao massacre, maituturing pa rin ng mga pamilya ng mga biktima na mailap ang hustisya sa pagkamatay ng kanilang mga mahal sa buhay.

Ombudsman Gutierrez, nag-resign na!

Moot and academic na ang impeachment trial na isasagawa sa Senado, ito’y matapos tuluyang magbitiw ngayon si Ombudsman Merceditas Gutierrez.

Sa impormasyong nakalap ng Bombo Radyo, ito umano ang magiging laman ng magiging pulong balitaan mamaya na ipapatawag ni Gutierrez.

Pinay, wagi sa ‘Supermodel of the World’

NEW YORK CITY – Nasungkit ng isang Filipina ang prestihiyosong Ford Supermodel of the World 2011 award sa ginanap na international modeling contest sa New York City.

Tinalo ng 17-anyos na si Danica Flores Magpantay ang mahigit 50 mga model contestants mula sa iba’t ibang panig ng mundo.